മംഗളൂരു: കൊല്ലൂർ മൂകാംബികാ ക്ഷേത്രത്തിലെ വാർഷിക മഹാരഥോത്സവം മാർച്ച് 12നു നടക്കും. മാർച്ച് 5 മുതൽ 14 വരെ നടക്കുന്ന ചടങ്ങുകൾക്കു മുഖ്യതന്ത്രി നിത്യാനന്ദ അഡിഗ കാർമികത്വം വഹിക്കും.
മാർച്ച് 5നു രാവിലെ 7.30നു കൊടിയേറ്റം, 11.15നു യാഗശാല പ്രവേശനം, മാർച്ച് 11നു രാത്രി 7.30നു ഹിരേരംഗപൂജ, 9നു സിംഹാരോഹണോത്സവം എന്നീ ചടങ്ങുകൾ നടക്കും.
മാർച്ച് 12നു രാവിലെ 9.30നു മഹാരഥോത്സവ ചടങ്ങുകൾക്കു തുടക്കമാകും. ഉച്ചയ്ക്ക് 12നു രഥാരോഹണവും വൈകിട്ട് 5നു മഹാരഥോത്സവവും നടക്കും. 13നു രാത്രി 7ന് ഒക്കൂലി, 14ന് രാവിലെ 7.30ന് അശ്വാരോഹണോത്സവം, 8.30നു പൂർണകുംഭാഭിഷേകം, 9.30നു പ്രസാദ വിതരണം എന്നീ ചടങ്ങുകളോടെ മഹാരഥോത്സവം സമാപിക്കും.
SUMMARY: Maharathosavam at Kollur Mookambika Temple on March 12th
