ബെംഗളൂരു: മൈസൂരു കേരളസമാജം കായികമേളയുടെ ഭാഗമായി നടത്തിയ ബാഡ്മിന്റന്‍ മത്സരത്തില്‍ 50 വയസ്സിനു മുകളിലുള്ള പുരുഷന്മാരുടെ ഡബിള്‍സില്‍ വിനോദ് പള്ളത്തേരി, സന്തോഷ് റാം എന്നിവര്‍ ജേതാക്കളായി. രാജേഷ്, സുരേഷ് ബാബു എന്നിവരാണു റണ്ണറപ്.
പുരുഷന്മാരുടെ ഓപ്പണ്‍ ഡബിള്‍സില്‍ കരണ്‍, ഷമീര്‍ എന്നിവര്‍ ജേതാക്കളും മിഥുന്‍, സുരേഷ് ബാബു എന്നിവര്‍ റണ്ണറപ്പുമായി. മിക്‌സഡ് ഡബിള്‍സില്‍ സുജിത്ത്, ലെന്‍സി എന്നിവര്‍ ജേതാക്കളായി. ആര്യ രാജീവ്, കരണ്‍ എന്നിവരാണു റണ്ണറപ്. സിംഗിള്‍സില്‍ കരണ്‍ ഒന്നാം സ്ഥാനവും വൈശാഖ് രണ്ടാം സ്ഥാനവും കരസ്ഥമാക്കി. മൈസൂരു രാജരാജേശ്വരി നഗറിലുള്ള സ്‌പോര്‍ട്ട്‌സ് പാര്‍ക്ക് ബാഡ്മിന്റണ്‍ കോര്‍ട്ടില്‍ നടന്ന വാശിയേറിയ മത്സരത്തില്‍ വിവിധ വിഭാഗത്തിലായി നാല്‍പ്പതോളം പേര്‍ മത്സരിച്ചു.
SUMMARY: Mysore Kerala Samajam Badminton Competition
