ചെന്നൈ: തമിഴ്നാട്ടിലെ സർക്കാർ സ്കൂളുകളിലെ ഉച്ചഭക്ഷണ പദ്ധതിയില് പുതിയ പരിഷ്കാരങ്ങള്ക്ക് ഒരുങ്ങി ടിവികെ സർക്കാർ. ഇതിന്റെ ഭാഗമായി ആഴ്ചയില് ഒരിക്കല് ചിക്കൻ ബിരിയാണി നല്കുന്ന കാര്യം സർക്കാർ പരിഗണിക്കുന്നുണ്ടെന്നാണ് റിപ്പോർട്ട്. സ്കൂള് വിദ്യാഭ്യാസ മന്ത്രി രാജ്മോഹനാണ് ഈ നിർദേശം മുഖ്യമന്ത്രി വിജയ്യുടെ മുന്നില് അവതരിപ്പിച്ചത്.
നൂറിലധികം അധ്യാപക-അധ്യാപകേതര സംഘനകളുടെ പ്രതിനിധികള് പങ്കെടുത്ത യോഗത്തില് നിരവധി പരാതികളും ആവശ്യങ്ങളും ഉയര്ന്നു. സ്കൂളുകളിലെ ഉച്ചഭക്ഷണ മെനു പരിഷ്കരിക്കണമെന്നത് അത്തരത്തില് ഒരാവശ്യമായിരുന്നു. ഉച്ചഭക്ഷണത്തിന് ചിക്കന് ബിരിയാണി നല്കണമെന്ന് പലരും ആവശ്യപ്പെട്ടു. ഇക്കാര്യം നേരത്തേ തന്നെ മുഖ്യമന്ത്രിക്ക് മുന്നില് സമര്പ്പിച്ചിട്ടുണ്ടെന്നായിരുന്നു വിദ്യാഭ്യാസ മന്ത്രി എ രാജ്മോഹന് പറഞ്ഞത്. ബിരിയാണി നല്കുന്ന കാര്യം പരിഗണനയിലാണെന്നും മന്ത്രി അറിയിച്ചു.
SUMMARY: Chicken biryani for government school students from now on; Tamil Nadu set to revise midday meal menu
