ബെംഗളൂരു നഗരത്തിലൂടെ ഒരു സ്കൂട്ടറിൽ ആറ് കുട്ടികളുടെ സാഹസിക യാത്ര, മാതാപിതാക്കളെ കണ്ടെത്തി ശിക്ഷിക്കണമെന്ന് സോഷ്യൽ മീഡിയ

സംഭവത്തിന്റെ എക്സിൽ പങ്കുവെച്ച വീഡിയോയാണ് സമൂഹമാധ്യമങ്ങളിൽ വൈറലായത്. പത്ത് വയസ് തോന്നിക്കുന്ന ആൺകുട്ടി സ്കൂട്ടിയുടെ ഹാൻറിൽ പിടിച്ച് കഷ്ടപ്പെട്ട് ഓടിക്കാൻ ശ്രമിക്കുന്നതും കാണാം. ഏതാണ്ട് അതേ പ്രായത്തിലും അതിലും ചെറിയ പ്രായത്തിലുമുള്ള അഞ്ച് കുട്ടികൾ അവന് പിന്നിലായി ഇരിക്കുന്നുണ്ട്. ആർക്കും ഹെൽമറ്റുകളുണ്ടായിരുന്നില്ല. തിരക്കേറിയ റോഡിലൂടെ ആറ് കുട്ടികൾ ഒരു സ്കൂട്ടിയിൽ പോയിട്ടും ഒരു പോലീസ് ഉദ്യോഗസ്ഥനോ ട്രാഫിക് പോലീസോ അവരെ തടഞ്ഞില്ലായെന്നതാണ് മറ്റൊരു ഞെട്ടിക്കുന്ന കാര്യം. വീഡിയോയിൽ സ്കൂട്ടിയുടെ നമ്പർ വ്യക്തമായി കാണാം.

This is haappend on today 26/04/2026 morning 10:45 am those kid's illegally ridding scooter No. ( KA05JZ9065 ) on location ( Padarayanapura main road near gowripalya on opposite of total engineer auto gas ) new Bridge. please take necessary. @BlrCityPolice @blrcitytraffic pic.twitter.com/S4rrOE8vbD

— Shreyas Shreyu (@Shreyas35240282) April 26, 2026

വീഡിയോ വൈറലായതോടെ, ട്രാഫിക് പോലീസും സിറ്റി പോലീസും വിഷയത്തിൽ ഇടപെടണമെന്നും ഇത്തരം അശ്രദ്ധ കാണിക്കുന്നവർക്കെതിരെ കർശന നടപടി വേണമെന്നും ആവശ്യം ഉയർന്നു കഴിഞ്ഞു. വീഡിയോ കണ്ട് രോഷാകുലരായ പൊതുജനങ്ങൾ കുട്ടികളുടെ മാതാപിതാക്കൾക്കെതിരെ ക്രിമിനൽ കുറ്റം ചുമത്തി അറസ്റ്റ് ചെയ്യണമെന്നാണ് ആവശ്യപ്പെടുന്നത്. ഇത് കേവലം നിയമലംഘനമല്ല, മറിച്ച് ആറ് പിഞ്ചുജീവനുകൾ അപകടത്തിലാക്കുന്ന ക്രിമിനൽ അശ്രദ്ധയാണെന്ന് സമൂഹമാധ്യമ ഉപയോക്താക്കൾ പ്രതികരിച്ചു. മുൻ ബെംഗളൂരു പോലീസ് കമ്മീഷണർ ഭാസ്‌കർ റാവു ഉൾപ്പെടെയുള്ള പ്രമുഖർ ഈ വിഷയത്തിൽ ഇടപെടുകയും ബിഎൻഎസ്, മോട്ടോർ വാഹന നിയമം എന്നിവ പ്രകാരം ഏറ്റവും കടുത്ത ശിക്ഷ തന്നെ നൽകണമെന്ന് ആവശ്യപ്പെടുകയും ചെയ്തു. ഇതിനെത്തുടർന്ന് സംഭവസ്ഥലത്തെക്കുറിച്ച് കൂടുതൽ വിവരങ്ങൾ ശേഖരിച്ചുകൊണ്ട് ബെംഗളൂരു ട്രാഫിക് പോലീസ് അന്വേഷണം ഊർജിതമാക്കിയിരിക്കുകയാണ്.
SUMMARY: Six children’s adventurous journey on a scooter through Bengaluru city, social media demands parents be found and punished