ബെംഗളൂരു: സംസ്ഥാനത്ത് താപനില കനത്ത തോതില് ഉയരുന്നത് കണക്കിലെടുത്ത്, വടക്കൻ കർണാടകയിലെ തിരഞ്ഞെടുത്ത ജില്ലകളിലെ സർക്കാർ ഓഫീസുകളുടെ പ്രവൃത്തി സമയം ബുധനാഴ്ച മുതൽ സംസ്ഥാന സർക്കാർ പരിഷ്കരിച്ചു. ജോലി സമയം രാവിലെ 8 മുതൽ ഉച്ചയ്ക്ക് 1.30 വരെയാക്കിയാണ് പരിഷ്കരിച്ചത്.
പുതിയ സമയക്രമം മേയ് വരെ തുടരും. കലബുറഗി ഡിവിഷനിലും ബെളഗാവി ഡിവിഷനിലെ വിജയപുര, ബാഗൽക്കോട്ട് ജില്ലകളിലുമാണിതു നടപ്പിലാക്കിയത്. സമയമാറ്റം ഒരു വിധത്തിലും ജോലിയുടെ കാര്യക്ഷമതയെ ബാധിക്കരുതെന്നും കലക്ടർമാരോ ജില്ലാ സിഇഒമാരോ ആവശ്യപ്പെട്ടാൽ കൂടുതൽ സമയം ജോലി ചെയ്യാൻ തയാറാകണമെന്നും പേഴ്സണൽ ആൻഡ് അഡ്മിനിസ്ട്രേറ്റീവ് റിഫോംസ് വകുപ്പ് അണ്ടർ സെക്രട്ടറി ബി.വിമലാക്ഷി പുറത്തിറക്കിയ സർക്കുലറില് പറയുന്നു.
SUMMARY: Summer is intense; Office timings changed in North Karnataka
WhatsApp
Telegram
