ബെംഗളൂരു: സുവർണ കർണാടക കേരളസമാജം കന്റോൺമെന്റ് സോൺ സംഘടിപ്പിക്കുന്ന ‘സുവർണ്ണ തരംഗം’ ഫെബ്രുവരി 15ന് രാവിലെ 10.30 മുതൽ വസന്ത നഗറിലെ ഡോ. ബി ആർ അംബേദ്കർ ഭവനിൽ നടക്കും.
കർണാടക നഗര വികസന മന്ത്രി ബൈരതി സുരേഷ്, എം.പി അഡ്വ. പി സന്തോഷ് കുമാർ, പുലികേശിനഗര എം.എല്‍.എ എ.സി ശ്രീനിവാസ, ജി എം ഇൻഫിനിറ്റി ഡയറക്ടർ എം ജെ സ്റ്റീഫൻ, ബിഗ് ബോസ് മത്സര വിജയിയും ടെലിവിഷൻ താരവുമായ അനുമോൾ, മിസ്സ് ഗ്ലോബൽ നാഷണൽ ഡയറക്ടർ മിസിസ് അർപ്പിതാദേവ് എന്നിവർ അതിഥികളായി പങ്കെടുക്കും.
പഠനത്തിൽ ഉന്നത വിജയം കൈവരിച്ച വിദ്യാർഥികൾ, വിവിധ മേഖലകളിൽ കഴിവ് തെളിയിച്ചവര്‍ എന്നിവര്‍ക്കുള്ള ആദരം, ചികിത്സാസഹായ വിതരണം എന്നിവയുണ്ടാകും. പ്രസീത ചാലക്കുടിയും സംഘവും അവതരിപ്പിക്കുന്ന നാടൻകലാമേളയും ഉണ്ടായിരിക്കും.
SUMMARY: Suvarna Karnataka Kerala Samajam Cantonment Zone ‘Suvarna Tharangam’ on the 15th
