തിരുവനന്തപുരം: ഫെബ്രുവരിയിലെ സാമൂഹ്യ സുരക്ഷ, ക്ഷേമനിധി പെന്‍ഷനുകള്‍ക്കായി 1,050 കോടി രൂപ അനുവദിച്ചതായി ധനകാര്യ മന്ത്രി കെ.എന്‍ ബാലഗോപാല്‍. ഈ മാസം 25 മുതല്‍ വിതരണം തുടങ്ങും. ഏകദേശം 62 ലക്ഷത്തോളം പേർക്ക് 2,000 രൂപ വീതം പെൻഷൻ ലഭിക്കും. 26.62 ലക്ഷം പേരുടെ ബാങ്ക് അക്കൗണ്ടുകളില്‍ നേരിട്ട് തുക എത്തിക്കും.
മറ്റുള്ളവർക്ക് സഹകരണ ബാങ്കുകള്‍ വഴി, വീടുകളിലെത്തി നേരിട്ട് തുക കൈമാറും. ക്ഷേമനിധി അംഗങ്ങള്‍ക്കുള്ള ക്ഷേമ പെൻഷൻ അതാത് ബോർഡുകള്‍ വഴി വിതരണം ചെയ്യപ്പെടും. 8.46 ലക്ഷം പേര്‍ക്ക് ദേശീയ പെൻഷൻ പദ്ധതിയിലെ കേന്ദ്ര വിഹിതം കേന്ദ്ര സർക്കാർ നല്‍കേണ്ടതാണ്. ഇത് വൈകുന്ന സാഹചര്യത്തില്‍ സംസ്ഥാനം മുൻകൂർ അടിസ്ഥാനത്തില്‍ 24.21 കോടി രൂപ അനുവദിച്ചിട്ടുണ്ടെന്ന് മന്ത്രി പറഞ്ഞു.
കേന്ദ്ര സർക്കാർ PFMS സംവിധാനം വഴി വിഹിതം ഗുണഭോക്താക്കളുടെ ബാങ്ക് അക്കൗണ്ടുകളില്‍ ക്രഡിറ്റ് ചെയ്യും. എന്നാല്‍ വിതരണം വൈകാതിരിക്കാൻ സംസ്ഥാനം ശ്രദ്ധ പാലിക്കണമെന്നും അദ്ദേഹം നിർദ്ദേശിച്ചു.
SUMMARY: Welfare pension distribution to start from 25th; Rs 1050 crore allocated, says Finance Minister
