ബെംഗളൂരു: കേരളസമാജം ബെംഗളൂരു സൗത്ത് വെസ്റ്റ് കുടുംബസംഗമം 16.ന് വൈകീട്ട് മൂന്നു മണിക്ക് കെങ്കേരി ദുബാസിപ്പാളയ ഡി. എസ് .എ ഭവനില് വെച്ച് നടക്കും. സമാജം പ്രസിഡണ്ട് പ്രമോദ് വരപ്രത്ത് അധ്യക്ഷത വഹിക്കും. ബെംഗളൂരു കേരളസമാജം പ്രസിഡന്റ് സി. പി. രാധാകൃഷ്ണന് ഉദ്ഘാടനം ചെയ്യും.
ഫാമിലി കൗണ്സിലര് ഡോ പി. ശ്യാം കുമാര് പ്രഭാഷണം നടത്തും. കേരള സർക്കാർ സാംസ്കാരിക വകുപ്പിന് കീഴിലുള്ള മലയാളം മിഷൻ നൽകുന്ന ഭാഷാ പുരസ്കാരങ്ങളിൽ പ്രവാസി എഴുത്തുകാരുടെ മികച്ച ചെറുകഥാ സമാഹാരത്തിനുള്ള 2025 ലെ പ്രവാസി സാഹിത്യ പുരസ്കാരം സ്പെഷ്യൽ ജൂറി പരാമർശം നേടിയ സതീഷ് തോട്ടശ്ശേരിയെ ചടങ്ങില് ആദരിക്കും. കാര്ണിവല്, അംഗങ്ങളുടെ കലാപരിപാടികള്, ശ്രുതിലയം ഓര്ക്കസ്ട്ര അവതരിപ്പിക്കുന്ന ഗാനമേള എന്നിവ ഉണ്ടായിരിക്കും.
<BR>
TAGS : FAMILY MEET | KERALA SAMAJAM BANGALORE SOUTH WEST
