ബെംഗളൂരു: കർണാടകയിൽ ബിയർ വില വർധിച്ചേക്കും. എല്ലാ ബിയറുകളുടെയും എക്സൈസ് നികുതി 195 ശതമാനത്തിൽ നിന്ന് 205 ശതമാനം ആയി സർക്കാർ വർധിപ്പിച്ചതിന് പിന്നാലെയാണിത്. ഇതിനു പുറമെ അഡീഷണൽ എക്സൈസ് ഡ്യൂട്ടിയിൽ 10 ശതമാനം കൂടി ചേർത്തിട്ടുണ്ട്. പ്രീമിയം ബിയർ ബ്രാൻഡുകൾക്ക്, നിർമ്മാണ ചെലവുകൾ അനുസരിച്ച്, ഒരു കുപ്പിക്ക് ഏകദേശം 10 രൂപയുടെ വർധനവ് ഉണ്ടായേക്കാം. ഇടത്തരം, വിലകുറഞ്ഞ ലോക്കൽ ബിയറുകൾക്ക്, ഒരു കുപ്പിക്ക് 5 രൂപയിൽ താഴെയായിരിക്കും വർധന. കൃത്യമായ വില വർധനവ് ബ്രാൻഡ് അനുസരിച്ച് വ്യത്യാസപ്പെടും.
കഴിഞ്ഞ മൂന്ന് വർഷത്തിനിടെ ബിയറിന്മേലുള്ള മൂന്നാമത്തെ നികുതി വർധനവാണിത്. 2023 ജൂലൈയിൽ, നികുതി 175 ശതമാനത്തിൽ നിന്ന് 185 ശതമാനം ആയി ഉയർത്തി. 2025 ജനുവരി 20ന് ഇത് 195 ശതമാനം ആയി ഉയർത്തിയിരുന്നു. നിലവിൽ, അടിസ്ഥാന എക്സൈസ് തീരുവയും പരിഷ്കരിച്ചു. ഏകീകൃത നിരക്കിന് പകരം, ബിയറിലെ ആൽക്കഹോൾ ഉള്ളടക്കത്തെ അടിസ്ഥാനമാക്കിയുള്ള സംവിധാനമാണ് നിലവിലുള്ളത്. 5 ശതമാനമോ അതിൽ കുറവ് ആൽക്കഹോൾ ബൈ വോളിയം (എബിവി) ഉള്ള ബിയറിന് ബൾക്ക് ലിറ്ററിന് 12 രൂപയും, 5-8 ശതമാനം എബിവി ഉള്ള ബിയറിന് ലിറ്ററിന് 20 രൂപയുമാണ് വർധന.
TAGS: KARNATAKA | PRICE HIKE
SUMMARY: Beer prices might get hiked in Karnataka
