ബെംഗളൂരു: സംസ്ഥാനത്ത് കുടിവെള്ളത്തിന് ക്ഷാമമില്ലെന്ന് ഉപമുഖ്യമന്ത്രി ഡി. കെ. ശിവകുമാർ. കർണാടകയിലെ ജലസേചന ആവശ്യങ്ങൾ കാര്യക്ഷമമായി കൈകാര്യം ചെയ്യുന്നുണ്ടെന്നും അദ്ദേഹം പറഞ്ഞു. ഉദയ്പൂരിൽ നടന്ന രണ്ടാമത്തെ അഖിലേന്ത്യാ ജലവിഭവ മന്ത്രിമാരുടെ സമ്മേളനത്തിൽ സംസ്ഥാനത്തിന്റെ ജല ആവശ്യങ്ങൾ ചർച്ച ചെയ്തിട്ടുണ്ടെന്നും അദ്ദേഹം പറഞ്ഞു.
ബെംഗളൂരുവിലെ ചിലയിടങ്ങളിൽ ഭൂഗർഭജലവിതാനം കുറഞ്ഞിട്ടുണ്ട്. എന്നാൽ ഇവിടെയുള്ളവർക്ക് കുടിവെള്ളം എത്തിക്കാനുള്ള സൗകര്യം സർക്കാർ ക്രമീകരിച്ചിട്ടുണ്ട്. മേക്കേദാട്ടു അണക്കെട്ട് പോലുള്ളവ നടപ്പാക്കാൻ സർക്കാർ കാര്യമായി ശ്രമിക്കുന്നുണ്ട്. ഇത്തരം പദ്ധതികൾ നടപ്പിലാകുന്നത്തോടെ സംസ്ഥാനത്തിന്റെ കുടിവെള്ള ആവശ്യങ്ങൾക്ക് ഒരു ബുദ്ധിമുട്ടും ഉണ്ടാകില്ലെന്ന് ഡി. കെ. ശിവകുമാർ പറഞ്ഞു.
ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡുവുമായി തുംഗഭദ്ര നദി പ്രശ്നം ചർച്ച ചെയ്തിട്ടുണ്ടെന്നും, ബദൽ അണക്കെട്ട് നിർമ്മിക്കാനുള്ള നിർദേശം നൽകിയിട്ടുണ്ടെന്നും അദ്ദേഹം പറഞ്ഞു.
TAGS: BENGALURU
SUMMARY: We have sufficient drinking water, no problem in Karnataka, Deputy CM DK Shivakumar
