ബെംഗളൂരു: സർഗധാര സാംസ്ക്കാരിക സമിതി ബെംഗളൂരു നാടകകൃത്ത് ശാർങ്ഗധരൻ്റെ സ്മരണയ്ക്കായി ഏർപ്പെടുത്തിയ 2026ലെ ശാർങ്ഗധരൻ സ്മാരക സർഗ്ഗധാര പുരസ്ക്കാരം സാംസ്ക്കാരിക പ്രവർത്തകൻ രാജഗോപാൽ മുള്ളത്തിന് നൽകി. ജാലഹള്ളി നോർത്ത് വെസ്റ്റ് കേരള സമാജം ഹാളിൽ വെച്ചു നടന്ന പുരസ്കാര ചടങ്ങില് പ്രസിഡണ്ട് ഇന്ദിരാ ബാലൻ അധ്യക്ഷത വഹിച്ചു. സുധാകരൻ രാമന്തളി, കമനീധരൻ വിഷ്ണുമംഗലം കുമാർ, സി.എച്ച്. പത്മനാഭൻ, പീറ്റർ പോൾ, ഗീത നാരായണൻ, രതി സുരേഷ് എന്നിവർ സംസാരിച്ചു. രാജഗോപാൽ മുള്ളത്ത് മറുപടി പ്രസംഗം നടത്തി.
ചടങ്ങില് വനിതാ ദിനാഘോഷവും നടത്തി. ‘സ്ത്രീയുടെ സാഹിത്യ പഥങ്ങൾ’ എന്ന വിഷയത്തിൽ എഴുത്തുകാരി ബിന്ദു. പി.മേനോൻ മുഖ്യപ്രഭാഷണം നടത്തി. ചരിത്രം മുതൽ സമകാലിക മലയാള സാഹിത്യ രംഗത്തെ എഴുത്തുകാരികളുടെ ജീവിതവും, എഴുത്തും യോഗത്തിൽ വിലയിരുത്തി. യുവഗായിക ശ്രീലക്ഷ്മി ജയചന്ദ്രനെ ചടങ്ങിൽ ആദരിച്ചു.
കൃഷ്ണ പ്രസാദ് എം, വിജയൻ വി.കെ, ഷാജി അക്കിത്തടം, പ്രദോഷ്, കവിരാജ്, ശ്രീലക്ഷ്മി ജയചന്ദ്രൻ എന്നിവർ നാടകഗാനങ്ങൾ അവതരിപ്പിച്ചു. പി.എൽ പ്രസാദ് സ്വാഗതവും കെ. കൃഷ്ണകുമാർ നന്ദിയും പറഞ്ഞു.
SUMMARY: Sharangadharan Memorial Sargadhara Award Presentation and Women’s Day Celebration
