പാലക്കാട്: പാലക്കാട്ടെ കെഎസ്ആർടിസി ഡിപ്പോയില് നിന്ന് അജ്ഞാതൻ ബസ് മോഷ്ടിച്ചു. ഇന്ന് പുലർച്ചെ 2.50ഓടെയാണ് മോഷണം നടന്നത്. വിവരമറിഞ്ഞ ജീവനക്കാർ പാലക്കാട് നഗരത്തില് തിരച്ചില് നടത്തുകയും പുലർച്ചെ അഞ്ചരയോടെ ബസ് കണ്ടെത്തുകയും ചെയ്തു.
ഡിപ്പോയില് നിന്നും ഒരു കിലോമീറ്റർ അപ്പുറത്തുള്ള മംഗളം ടവറിന് സമീപത്തായി ബസ് നിർത്തിയിട്ട നിലയില് കണ്ടെത്തുകയായിരുന്നു. കെഎസ്ആർടിസി ഓർഡിനറി ബസാണ് മോഷണം പോയത്. നിലവില് പാലക്കാട് കെഎസ്ആർടിസി ഡിപ്പോ മുതല് മംഗളം ടവർ വരെയുള്ള സിസിടിവി ദൃശ്യങ്ങള് പൊലീസ് പരിശോധിച്ച് വരികയാണ്.
SUMMARY: Bus stolen from Palakkad KSRTC depot; found within hours
