ബെംഗളൂരു: ബെംഗളൂരു- മൈസൂരു അതിവേഗ പാതയിൽ മലയാളി കുടുംബം സഞ്ചരിച്ച കാർ ലോറിയിൽ ഇടിച്ചുണ്ടായ അപകടത്തിൽ അഞ്ച് വയസുകാരൻ മരിച്ചു. കണ്ണൂർ മുഴപ്പിലങ്ങാട് ടി.കെ. ഹൗസിൽ ഷാനവാസ് – സുഹൈല ദമ്പതികളുടെ മകൻ മുഹമ്മദ് തമീം ആണ് മരിച്ചത്. വിജയവാഡയിൽ നിന്നും കിയ സെൽറ്റോസ് കാറിൽ കുടുംബത്തോടൊപ്പം നാട്ടിലേക്ക് മടങ്ങുകയായിരുന്നു ഷാനവാസും കുടുംബവും. ഞായറാഴ്ച പുലർച്ചെ നാല് മണിയോടെ മാണ്ഡ്യയിൽ വെച്ചാണ് അപകടമുണ്ടായത്. ഗുരുതരമായി പരുക്കേറ്റ തമീമിനെ ആശുപത്രിയിലെത്തിച്ചെങ്കിലും രക്ഷപ്പെടുത്താനായില്ല. കാറിലെ മറ്റു യാത്രക്കാര്ക്കും പരുക്കേറ്റു. തമീമിൻ്റെ മാതാവ് സുഹൈലയെ ആദ്യം മൈസൂരുവിലെ ആശുപത്രിയിൽ പ്രവേശിപ്പിച്ചെങ്കിലും പിന്നീട് വിദഗ്ധ ചികിത്സയ്ക്കായി കണ്ണൂര് മിംസിലേക്ക് മാറ്റി.
തമീമിൻ്റെ മൃതദേഹം മൈസൂരു കെ. ആര് ആശുപത്രിയില് പോസ്റ്റുമോർട്ടത്തിന് ശേഷം നാട്ടിലേക്ക് കൊണ്ടു പോയി. എ.ഐ.കെ.എം.സി മൈസൂരു ഭാരവാഹികളായ അൻവർ സി.എം മുഹമ്മദ് നിസാർ, ഷഹീർ ലോയൽ വേൾഡ്, ആശിർവാദ് സിദ്ധിഖ് എന്നിവർ നടപടിക്രമങ്ങൾക്ക് നേതൃത്വം നൽകി. അപകടത്തില് മാണ്ഡ്യ റൂറൽ പോലീസ് കേസ് രജിസ്റ്റർ ചെയ്തു.
<br>
TAGS : ACCIDENT | BENGALURU-MYSURU EXPRESS HIGHWAY
SUMMARY : A five-year-old boy died after a Malayali family’s car met with an accident on the Bengaluru-Mysuru national highway
WhatsApp
Telegram
