ബെംഗളൂരു: അധ്യാപികയുടെ മർദനത്തിൽ വിദ്യാർഥിയുടെ കാഴ്ച നഷ്ടപ്പെട്ടതായി പരാതി. ചിക്കബല്ലാപുരയിലെ ചിന്താമണി യാഗവകോട്ടെയിലെ സർക്കാർ സ്കൂളിലാണ് സംഭവം. സംഭവത്തിൽ കുട്ടിയുടെ രക്ഷിതാക്കളുടെ പരാതിയും സരസ്വതിയെന്ന അധ്യാപികയ്ക്കെതിരെ പോലീസ് കേസെടുത്തു. കഴിഞ്ഞ ദിവസമാണ് കുട്ടിയെ ഹോം വർക്ക് ചെയ്യാത്തതിന് അധ്യാപിക ക്രൂരമായി മർദിച്ചത്.
സംഭവത്തിന്‌ ശേഷം കുട്ടിക്ക് കാഴ്ചശക്തി നഷ്ടപ്പെട്ടതായി രക്ഷിതാക്കൾ ആരോപിച്ചു. അധ്യാപികക്കെതിരെ കേസെടുക്കണമെന്നും അറസ്റ്റ് ചെയ്യണമെന്നും ആവശ്യപ്പെട്ടു ഇവർ നാട്ടുകർക്കൊപ്പം ചേർന്ന് ബട്‌ലഹള്ളി പോലീസ് സ്റ്റേഷന് പ്രതിഷേധം നടത്തി. മുൻ നിയമസഭാംഗം ജെ.കെ. കൃഷ്ണ റെഡ്ഡി ഉൾപ്പെടെയുള്ളവർ പ്രതിഷേധത്തിൽ പങ്കെടുത്തു. കുട്ടി നിലവിൽ ചികിത്സയിലാണെന്നും, അധ്യാപികക്കെതിരെ മുമ്പും സമാനമായ പരാതികൾ ഉണ്ടായിട്ടുണ്ടെന്നും പോലീസ് പറഞ്ഞു.
TAGS: BENGALURU | TORTURE
SUMMARY: Parents stage protest in front of police station after son loses eyesight after assault by teacher
