ബെംഗളൂരു: കർണാടകയിൽ ബൈക്ക് ടാക്സി സർവീസ് നിരോധിച്ച സർക്കാർ നടപടിക്കെതിരെ റൈഡർമാർ നിരാഹാര സമരം നടത്തി. ബൈക്ക് ടാക്സി വെൽഫെയർ അസോസിയേഷന്റെ നേതൃത്വത്തിൽ ബെംഗളൂരു, മൈസൂരു, മണ്ഡ്യ, ദാവനഗരെ, രാമനഗരെ, ഉൾപ്പെടെ നഗരങ്ങളിൽ ഇന്ന് സമരം നടന്നു. വിലക്ക് പിൻവലിക്കണമെന്ന് ആവശ്യപ്പെട്ട് മുഖ്യമന്ത്രി സിദ്ധരാമയ്യയ്ക്ക് സമരക്കാർ കത്തെഴുതി.
നിരോധനം കടുത്ത പ്രതിസന്ധിയിലേക്കാണ് റൈഡർമാരെ തള്ളിവിട്ടത്. അനുകൂല നടപടി ഉണ്ടായില്ലെങ്കിൽ അനിശ്ചികാല നിരാഹാര സമരത്തിലേക്കു കടക്കുമെന്നും കത്തിൽ പറയുന്നു.
ബൈക്ക് ടാക്സി സർവീസുകൾ നിരോധിച്ച ഹൈക്കോടതിയുടെ സിംഗിൾ ബെഞ്ച് വിധി സ്റ്റേ ചെയ്യാൻ ഡിവിഷൻ ബെഞ്ച് വിസമ്മതിച്ചിരുന്നു. ഇതോടെയാണ് സംസ്ഥാന സർക്കാർ ബൈക്ക് ടാക്സി സർവീസ് നിരോധിച്ചത്.
SUMMARY: Riders hold hunger protest against bike taxi ban.
