ബെംഗളൂരു: മലയാളി യുവാവ് ബെംഗളൂരുവില് ബൈക്ക് അപകടത്തിൽ മരിച്ചു. ജക്കൂര് സംപിഗെഹള്ളി പ്രോഡന്റ് നിയോറയില് താമസിക്കുന്ന ശരത് എസ് (25) ആണ് മരിച്ചത്. ഇന്ന് പുലർച്ചെ 1.30 ഓടെ ഹെന്നൂര് റോഡിൽ വച്ചായിരുന്നു അപകടം. ഗുരുതരമായി പരുക്കേറ്റ ശരത്തിനെ സ്വകാര്യ ആശുപത്രിയില് പ്രവേശിപ്പിച്ചെങ്കിലും രാവിലെ മരണപ്പെട്ടു. ബെംഗളൂരുവിലെ സ്വകാര്യ കമ്പനിയില് ജീവനക്കാരനായിരുന്നു.
പിതാവ്: സനൽകുമാർ. അമ്മ: സുനിത. സഹോദരി: ശ്രുതി.
സംസ്കാരം നാളെ രാവിലെ 9 മണിക്ക് ഹെബ്ബാള് വൈദ്യുതി ശ്മശാനത്തിൽ നടക്കും.
