ബെംഗളുരു: എഐകെഎംസിസി ബെംഗളുരു കെ.ആർ. പുരം ഏരിയ സംഘടിപ്പിച്ച ഇഫ്താർ സംഗമത്തില് പ്രമുഖ വ്യക്തിത്വങ്ങളും സംഘടന പ്രതിനിധികളും പങ്കെടുത്തു. എ.ഐ.കെ.എം.സി.സി. പ്രസിഡന്റ് ഉസ്മാൻ ടി ഉദ്ഘാടനം ചെയ്തു. അടുത്തിടെ അന്തരിച്ച അബൂബക്കർ സിദ്ദീഖിനെ ചടങ്ങില് അനുസ്മരിച്ചു. സെൻട്രൽ കമ്മിറ്റി വൈസ് പ്രസിഡന്റ് ഹനീഫ് കെ.ആർ. പുരം ചടങ്ങിൽ അധ്യക്ഷത വഹിച്ചു.
സെൻട്രൽ കമ്മിറ്റി ഭാരവാഹികളായ നാസർ നീലാസാന്ദ്ര (ട്രഷറർ), റഹീം ചാവശ്ശേരി, ടിസി മുനീർ (സെക്രട്ടറി), ഏരിയ ജനറല് സെക്രട്ടറി സലീം കെആർ പുര, ട്രഷറർ ഫൈസൽ, ബംഗളൂരു കേരള സമാജം ജനറൽ സെക്രട്ടറി റജികുമാര്, കേരള സമാജം കെ.ആർ. പുരം സോൺ ചെയർമാൻ ഷിബു, അനസ് എന്നിവർ സംസാരിച്ചു. ഏരിയ പ്രസിഡണ്ട് ഷമീർ വി.പി.കെ. സ്വാഗതം പറഞ്ഞ ചടങ്ങിൽ മുഹമ്മദ് നന്ദി പറഞ്ഞു.
SUMMARY: AIKMCC Bengaluru KR Puram Area Iftar Meet
